செல்லாது என்று பிரதமரால் அறிவிக்கப்பட்ட ரூ.500, ரூ.1000 நோட்டுக்களை மாற்ற ஒருபக்கம் வங்கியில் நீண்ட வரிசையில் இருக்கும் நிலையில் இன்னொரு பக்கம் வங்கியில் உள்ள பணத்தை ஏ.டி.எம் மூலம் எடுக்க ஏ.டி.எம் மையங்களின் முன் நீண்ட வரிசையில் பொதுமக்கள் காத்திருக்கின்றனர்.
ஆனால் எந்தெந்த இடங்களில் ஏ.டி.எம் செயல்பாட்டில் உள்ளது, அவற்றில் எந்த ஏ.டி.எம்-இல் எவ்வளவு கூட்டம் குறைவாக இருக்கும் என்பதை தெரிந்து கொள்ள வசதியாக வெப்சைட் ஒன்று அறிமுகப்படுத்தப்பட்டுள்ளது.
http://atmkaro.in/ என்ற இந்த வெப்சைட்டில் இந்தியாவில் உள்ள முன்னணி நகரங்களில் செயல்பாட்டில் உள்ள ஏடிஎம் பெயர்கள் இடம் பெற்றுள்ளன. இந்த வெப்சைட் தற்போது ஃபேஸ்புக், டுவிட்டர் போன்ற சமூக வலைதளங்களில் வைரலாக பரவிவருகிது.
மேலும் பொதுமக்கள் தங்களுக்கு தெரிந்த தகவல்களை இந்த வெப்சைட்டில் பதிவு செய்யும் வசதியும் உண்டு. இதனால் பொதுமக்கள் தாங்கள் பார்க்கும் கூட்டமில்லாத ஏ.டி.எம் குறித்த தகவல்களை இதில் பதிவு செய்யலாம். இது மற்றவர்களுக்கு உதவியாக இருக்கும்